ब्रेकिंग

देश

कर्नाटक भाजपकडून दोन आमदारांची हकालपट्टी

Samruddhi Dhayagude
28 May 2025

बंगळुरु : कर्नाटकात भाजपकडून दोन आमदारांची हकालपट्टी करण्यात आली आहे. पक्षविरोधी कारवाया केल्याबद्दल आमदार एस.टी. सोमशेखर आणि आमदार ए.शिवराम हेब्बर यांना सहा वर्षांसाठी पक्षातून काढून टाकण्यात आले आहे, असे पक्षाचे प्रदेशाध्यक्ष बी.वाय. विजयेंद्र यांनी सांगितले.

पक्षश्रेष्ठांशी दीर्घ विचारविनिमय केल्यानंतर हा निर्णय घेण्यात आला, असे विजयेंद्र यांनी प्रसार माध्यमांशी बोलताना सांगितले. सोमशेखर हे यशवंतपूर आणि हेब्बर हे येल्लापूर मतदारसंघाचे प्रतिनिधित्व करतात. या कारवाईसंदर्भात दोन्ही आमदारांकडून अद्याप कोणतीही प्रतिक्रिया समजू शकलेली नाही. दरम्यान, उपमुख्यमंत्री आणि काँग्रेसचे प्रदेशाध्यक्ष डी.के. शिवकुमार यांनी या कारवाईवर टीका केली. २०१९ मध्ये एच.डी. कुमारस्वामी यांच्या नेतृत्वाखालील काँग्रेस-जेडीएस युती सरकार पाडून राज्यात बी.एस. येडीयुरप्पा यांच्या नेतृत्वाखाली भाजपचे सरकार आणण्यात या दोन्ही आमदारांचा समावेश होता. त्यावेळी हे दोन्ही आमदार काँग्रेसमध्ये होते. अपात्र ठरल्यानंतर त्यांनी भाजपमध्ये प्रवेश केला होता. या दोघांनी २०२३ ची विधानसभा निवडणूक भाजपच तिकिटावर जिंकली होती.